Facebook Badge
انت عارف انت رقم كام فى مدونتنا
قائمة المدونات الإلكترونية
رؤيتى!!
-001.jpg)
- Maxknight
- Mansoura City, Egypt
- انا شاب مصرى احلم بتغير الاوضاع من حولى للافضل فى ضوء الاستفادة من الكتاب والسنة وتجارب الواقع المحيط واتمنى من الله عودة الخلافة وتطبيق شرعه فى الارض وتحرير المسجد الاقصى وفتح رومية ومن ثم الشهادة فى سبيله لو بتشاركنى احلامى تابع معايا وضيف جديد .
الـــــعـــــهــــد الــــجــديــــــــــــــــد
يعنى ايه بقى الكلام ده .... ؟؟
شباب ميعرفش ... وعهد جديد ....... و.... و
بص يا سيدى قبل ما نبدا اى حاجه فى البدايه احب ارحب بكل اللى زار مدونتى
ا لمتواضعه واللى نوعا ما هحاول اعبر فيها عن ارائى واراء قطاع عريض من الشباب فى كل القضايا اللى تتعلق بجيلنا واللى تهمنا كلنا كشباب .....
وشباب على حد ما انا فاهم ماهيش كلمة تخص المجموعة العمرية من سن ستة عشر مثلا لسن اربعين لان الشباب يتخطى القدرات والسن ده لان ممكن تكون عندك عشرين سنه بس انت عجوز مكركب وممكن يكون عندك سبعين سنه بس انت شاب متوهج الشباب....
بس بس بس يا عم انت ايه الكلام اللى بتقوله ده انا عايز حاجه افهمها حاجه بلغة العصر حاجه ما هيش اكاديميه مالاخر كده انا عايز حاجه مختصرة وتيك اواى .... اقولك ياسيدى مالاخر كده الشباب فى وجهة نظرى طموح ما هوش محدود بسن.... ارادة قويه ما تحتملش ضعف..... عزيمة صلبه ما تعرفش انكسار....زى السنبله فى الصورة بالظبط بتميل لكن ما تعرفش الانكسار وعقل واعى بيفكر ماهوش طاحونه افكار...... اى حاجه ببترمى فيه يطحنها وخلاص .. مالاخر هوه ده اللى قصدته بمعنى الشباب
اقولك بلاش اكاديميه تروح كاتب لى كتاب ... بقولك انا عاوز لما تفتح معايا الموضوع تورينى امثله يعنى حد بالشكل اللى انت بتقول عليه ولا انتا المدونة بتعاتك كلام ولا ايه .... ؟؟
لا ياسيدى الحكايه ماهيش كلام وبس ولو على قد الامثلة فهما اكتر م النجوم فى السما ما تنطفيش واكتر من مية البحر ما تتحصرش واكتر من نقط المطرماتخلصش يعنى م الاخر الشباب اللى قصدتهم كتييييييير اوى امثلتهم بس احنا انشغلنا عنهم عن سيرتهم باللى هما برده كتير اقل منهم بس نقول ايه بقى ماهى المسالة عايز شويه تعب وعايزة حد يكون ما بيهموش طول السكه ولا حاوصل امتى المهم طول الطريق كان بيقول ياترى ربنا رضى ولا لسه؟؟؟.......
عشان ما اطولش عليكم ودى اول مقالة معايا ليكم انتظرونى بشكل دورى هابعت رسايلى ليكم وفيها نماذج للشباب اللى اقصده واللى اتكلمت عنه فى الاول هاجيبلكم تفاصيل مشوقة ومثيرة لحياتهم وطريقتهم ولصعاب كتير اوى قابلتهم وبالرغم من كده وجود الامل والشباب فى قلوبهم قوى عزيمتهم فى تكملة رحلتهم .... وعشان كده ده شباب ما يعرفش المستحيل
الاشتراك في:
تعليقات الرسالة (Atom)
الخلاصة
2 التعليقات:
جزاكم الله خير افادكم الله ورفع الله قدركم وزادكم علما ينفع المسلمين ونرجو المزيد والله المستعان
اسعدك الله كما اسعدتنى بمرورك وشكرا على التعليق اللطيف وزادنا الله واياكم
إرسال تعليق